Ek Tarfa Pyaar

Ishq kiya humne unse bepanah

Kya pata tha humko kya hoga anjaam

Hum toh unki ek jhalak se hi khush ho jate

Aur wo humein dekh kar bhi andekha kar jaate

Phir bhi dil ko behla lete hum

Pehle pyaar se bhala kaisa hoga gham?

Baat karte the humse jab yuhi do chaar

Dil ki dhadkane utha leti raftaar

Wo na jaane humein kitna tha aitbaar

Unhe dekhe bina jata humara din bekaar

Unke chehre ki ek hasi dekhne ke liye rehta tha dil bekaraar

Poore din yaad rehti unki kahi huyi koi baat

Sab kehte the ” itna mat pyaar kar usse”

“Tu toot jaegi jo wo chala gaya”

Haasil karna hi pyaar hi nahi hota

Mai kehti rehti sabko baar baar

Wo bhi mujhe pyaar kare, ye nahi chaahti main

Bas yaad rakhe apni yaadon mein , yehi duaa karti main

Aaj kismat ne door kar diya hai itna

Kuch nahi kar sakti main kyuki faasla hai itna

Dukh toh hota hai , Dil bhi rota hai

Aur mujhse kehta hai, “Pagli, yehi toh ek tarfa pyaar hota hai ”

Wo jaisa bhi tha, yaad rahega mujhe aakhri saas tak wo

Wo jaisa bhi tha, yaad rahega mujhe aakhri saas tak wo

Aakhir pehla pyaar hai meri zindagi ka wo

Aakhir pehla pyar hai meri zindagi ka wo

Dikkat

Aake keh gaya mujhse,kya takleef hai tujhe ? 

Bhool ja mujhe, isme kya dikkat ho rahi hai tujhe ? 

Mai puchhna chaahti hu ye aaj sabhi se – 

Kya bhool jate hai log itni aasaani se kisiko ?

Aate hi kyu hai fir log apni zindagi mein ?

Vaade nibha nahi paate toh sapne kyu dikhate hai ? 

Saath nahi de paate toh pyaar kyu jataate hai ?

 Jaanke bhi anjaan banna hota hai agar toh pehchaan kyu banaate hai  ?  

Dil lagakar dil todna hota hai toh dil hi kyu lagaate hai ? 

Dil lagakar dil todna hota hai toh dil hi kyu lagaate hai ?

Naadaani 

Tune baat ki aise andaaz se 

Mujhe laga tu koi apna sa 

Mere taraf ke tere uss bartaav se 

Mujhe laga tu koi sapna sa

Has kar jo tu dekh leta mujhe ek baar 

Mai soch baithti ki shayad tujhe hai mujhse pyaar 

Naadaan thi mai tab 

Par aaj jaan chuki hu sach 

Aree tujhe fursat hi kaha thi teri duniya se 

Jo tu uss bheed me se mujhe dekh pata ek pal 

Shikayat nahi hai mujhe tujhse haalaakhi 

Tu aisa kare aisi aasha bhi nahi thi meri 

Bas tujhe door se dekhkar hi khush rehti thi main 

Bas ek baar tujhse baat kar jee leti thi main 

Tujhe chot pohche aisa iraada na tha mera 

Tujhe achha na lagega ye khayaal na tha mera 

Main toh bas itna jaanti thi ki tere bina jeena gawara tha mera 

Ki teri palkon ki nazar se guzara tha mera 

Tere aane se zindagi me bahaar aayi mere 

Aur tere jaane se zindagi ke sapne bikhar gaye mere 

Bhoolkar mujhe khush toh hoga bohot zindagi se ? 

Bhoolkar mujhe khush toh hoga bohot zindagi se ? 

Meri toh zindagi hi chal rahi hai tere yaadon ke sahaare se 

Meri toh zindagi hi chal rahi hai tere yaadon ke sahaare se